بڑی رام پور علاقہ میں ٹیمپو اور مکان پر سنگ باری

ناندیڑ: ۱۸؍اکتوبر (اعتماد نیوز)شہر سے قریب موجود بڑی رام پور علاقہ میں ایک گتہ دار کے ٹیمپو اور مکان پر گزشتہ رات ۴؍افراد نے سنگ باری کی۔ پولس اطلاع کے مطابق بڑی رام پور علاقہ کے رہنے والے باندھ کام گتہ دار روی کانت پاؤڑے نے شکایت درج کرائی کہ گزشتہ رات ۳۰:۱۱بجے کے قریب بڑی رام پور کے



ہی رہنے والے سندیپ ڈومنے ، امول گوڑبولے ، شنکر لونے ، مکند لوکرے ، ان چاروں نے مل کر بلاوجہ ان کے ٹیمپو پر پتھراؤ کیا اور اس کے شیشے توڑڈالے ۔ ساتھ ہی ان نوجوانوں نے ان کے مکان پر بھی سنگ باری کی ۔ روی کانت پاؤڑے کی شکایت پر مذکورہ چاروں ملزمین کے خلاف سڈکو پولس اسٹیشن میں مقدمہ درج کیاگیا ہے ۔